Janaki Subramanyam to Debut with Bharatanatyam Arangetram
Bengaluru: Marking an important milestone in her artistic journey, Ms. Janaki Subramanyam will present her Bharatanatyam Arangetram on Saturday, August 8, at 5.00 p.m. at A.D.A. Rangamandira, Bengaluru.
Daughter of Mr. Subramanyam and Mrs. Krishnaveni, Janaki has been undergoing rigorous training in Bharatanatyam for the past nine years under the tutelage of noted Bharatanatyam exponent and guru Smt. Abhinaya Natarajan at Natarajarangam School of Dance, Bengaluru.
A student of Computer Science and Engineering at B.M.S. Engineering College, Bengaluru, Janaki has successfully completed the Junior and Senior Bharatanatyam Examinations conducted by the Government of Karnataka, demonstrating her commitment to both academic excellence and the performing arts.
Her Arangetram represents the culmination of years of disciplined training, perseverance, and artistic refinement. The recital will offer audiences a glimpse into the aesthetic beauty, expressive depth, and rhythmic sophistication of the Bharatanatyam tradition, reflecting the rich guru–shishya heritage that continues to nurture India’s classical arts.
The programme is expected to bring together rasikas, members of the artistic fraternity, and lovers of Indian classical dance to celebrate the debut of a gifted young dancer poised to begin the next chapter of her artistic journey.
பன்முகத் திறமை மிக்க ஜானகி சுப்பிரமணியத்தின் பரதநாட்டிய அரங்கேற்றம்
பெங்களூர், ஜூலை 31: பெங்களூரின் புகழ்பெற்ற ‘நடராஜரங்கம் ஸ்கூல் ஆஃப் டான்ஸ்’ நடனப் பள்ளியில், சிறந்த நாட்டியாசிரியரும் பரதநாட்டியக் கலைஞருமான விதூஷி திருமதி அபிநய நடராஜன் அவர்களிடம் கடந்த ஒன்பது ஆண்டுகளாக அர்ப்பணிப்புடன் பரதநாட்டியம் பயின்று வரும் பன்முகத் திறமை மிக்க செல்வி ஜானகி சுப்பிரமணியம், தனது பரதநாட்டிய அரங்கேற்றத்தை ஆகஸ்ட் 8-ஆம் தேதி (சனிக்கிழமை) மாலை 5.00 மணிக்கு பெங்களூரிலுள்ள ஏ.டி.ஏ. ரங்கமந்திரா அரங்கில் நடத்தவுள்ளார்.
திரு சுப்பிரமணியம் – திருமதி கிருஷ்ணவேணி தம்பதியரின் மகளான 19 வயது ஜானகி, தற்போது பெங்களூரிலுள்ள பி.எம்.எஸ். பொறியியல் கல்லூரியில் கணினி அறிவியல் துறையில் பொறியியல் படித்து வருகிறார். சிறுவயதிலிருந்தே நடனத்தில் ஈடுபாடு கொண்ட இவர், கர்நாடக அரசின் ஜூனியர் நடனத் தேர்விலும், டாக்டர் கங்குபாய் ஹங்கல் இசை மற்றும் நிகழ்த்துக் கலைப் பல்கலைக்கழகத்தின் மூத்த நிலைத் தேர்விலும் சிறப்புத் தேர்ச்சி (Distinction) பெற்றுள்ளார்.
கர்நாடக சங்கீதத்தையும் முறையாகப் பயின்றுள்ள ஜானகி, இந்தியாவின் பல்வேறு பகுதிகளில் பரதநாட்டிய நிகழ்ச்சிகளை வழங்கி கலை ரசிகர்களின் பாராட்டைப் பெற்றுள்ளார். ஓவியக் கலையிலும் ஆர்வம் கொண்ட இவர், எஸ்.எஸ்.எல்.சி. மற்றும் பி.யு.சி. பொதுத்தேர்வுகளிலும் உயர்ந்த மதிப்பெண்களுடன் டிஸ்டிங்ஷன் பெற்றுள்ளார். சிறந்த மேடைப் பேச்சாளரான இவர், பல்வேறு கலை நிகழ்ச்சிகளில் தொகுப்பாளராகவும் திறமையை வெளிப்படுத்தியுள்ளார்.
ஜானகியின் நடனப் பயணம் சிறுவயதிலேயே தொடங்கியது. கதக் நடன ஆசிரியர் மதுசேன் அவர்களிடம் ஆரம்பகாலப் பயிற்சி பெற்ற இவர், பின்னர் புகழ்பெற்ற நடிகை பத்மினியின் நடனக் கலைக்குப் பெரிதும் ஈர்க்கப்பட்டு, பத்து வயதில் அபிநய நடராஜன் அவர்களிடம் பரதநாட்டியப் பயிற்சியைத் தொடங்கினார். அதன் பின்னர் தொடர்ந்து ஒன்பது ஆண்டுகளாக இடையறாத பயிற்சியின் மூலம் சிறந்த நடனத் திறனை வளர்த்துக் கொண்டுள்ளார்.
தனது கலைப் பயணத்தில் உறுதுணையாக இருந்து ஊக்கமளித்த பெற்றோருக்கு ஜானகி எப்போதும் நன்றியுணர்வுடன் இருக்கிறார். குரு அபிநய நடராஜன் அவர்களின் வழிகாட்டுதலில் பயிற்சி பெற்று வரும் இவர், எதிர்காலத்தில் சிறந்த பரதநாட்டியக் கலைஞராக உயர வேண்டும் என்ற இலக்குடன் தொடர்ந்து பயணித்து வருகிறார்.
படிப்பிலும் கலைத்துறையிலும் சமமான ஈடுபாடு கொண்ட ஜானகி, பள்ளி மற்றும் கல்லூரி நாட்களிலிருந்தே பல்வேறு கலாச்சாரப் போட்டிகளில் பங்கேற்று ஏராளமான விருதுகளையும் பாராட்டுகளையும் பெற்றுள்ளார். குரு லக்ஷ்மி லாவண்யா அவர்களிடம் கர்நாடக சங்கீதம் பயின்ற இவர், கர்நாடகா மற்றும் தமிழ்நாட்டிலுள்ள பல்வேறு கோவில்களிலும் பரதநாட்டிய நிகழ்ச்சிகளை வழங்கியுள்ளார்.
கல்வியையும் கலையையும் சமநிலையுடன் முன்னெடுத்து வரும் ஜானகியின் அரங்கேற்றம், பரதநாட்டிய ரசிகர்களுக்கு ஓர் இனிய கலைவிருந்தாக அமையும் என எதிர்பார்க்கப்படுகிறது. கலை ஆர்வலர்கள் மற்றும் பொதுமக்கள் திரளாக கலந்து கொண்டு இளம் கலைஞரை வாழ்த்துமாறு ஏற்பாட்டாளர்கள் அழைப்பு விடுத்துள்ளனர்.
– வை. கே. சந்தியா ஷர்மா
