Image default
Poems

ಅಧೋಗತಿ

ಕಣ್ ಬಿಟ್ಟೊಡನೆ ದೃಷ್ಟಿ-ಕಿವಿಗಳಿಗೆ
ರಾಚುವ ಭವಿಷ್ಯವಾಣಿಯ ಭೂತ
ಬೆಳ್ಳಂಬೆಳಕಿನಲೆ
ಜ್ಞಾನದೀಪ್ತಿಗೆ
ಅರಿವಳಿಕೆಯ ಮದ್ದು
ಭವಿಷ್ಯ-ಜಾತಕಫಲ
ಪೂಜೆ-ಆಚರಣೆಗಳ
ಅಂಧಾನುಕರಣೆಯ
ಸ್ತೋತ್ರಮಾಲೆ

ವೈಜ್ಞಾನಿಕ ಅನ್ವೇಷಣೆ
ವೈಚಾರಿಕ ಬೋಧೆ
ಪುಂಖಾನುಪುಂಖ
ಪವಾಡ ಭಂಜನ
ಸತ್ಯದರ್ಶನ
ಶಿಕ್ಷಣದ ಮುಖವಾಡ
ರಾತ್ರಿ ಕಂಡ ಬಾವಿಗೆ
ಹಗಲು ದಬ್ಬುವ ಅಖಾಡ

ಇಬ್ಬಂದಿ ಇರುಕಿಸುವ
ಬಹುವಾಹಿನಿಗಳ
ವ್ಯಾಪಾರ ನೀತಿ
ದ್ವಂದ್ವದಲಿ ಕಣ್ಕಟ್ಟಲೆಳೆಸುವ
ವೈರುಧ್ಯ ಗತಿ
ಪಾಮರರ ವಶೀಕರಿಸಿ
ಪಾತಾಳಕ್ಕೊತ್ತುವ
ಚತುರಮತಿ !

Related posts

ಪ್ರೇಮ ನಿವೇದನೆಯ ಹನಿಗವಿತೆಗಳು

YK Sandhya Sharma

ಎಂಥ ಚೆಂದ

YK Sandhya Sharma

ಕ್ರೌರ್ಯ, ಹೂವು-ದುಂಬಿ, ವಿಚಿತ್ರ ಮತ್ತು ಬಹುರೂಪಿ -ಕೆಲವು ಹನಿಗವನಗಳು

YK Sandhya Sharma

Leave a Comment

This site uses Akismet to reduce spam. Learn how your comment data is processed.