Image default
Poems

ನೇಣು ಬಿಗಿವ ನೆನೆಪುಗಳು

ನೆನಪುಗಳೇ ಹೀಗೆ
ಹಿಂಡುವ ಗಾಣದ ಹಾಗೆ

ಒಮ್ಮೆಲೆ ಮುಕುರಿಬಿಡುವ
ಜೇನುಹುಳುಗಳ ದಂಡು
ಜೀಗುಡುತ ಠಳಾಯಿಸುವ
ಒಳಗೇ ಗುನ್ನ ತೋಡಿ
ಸಮಾಧಿಸುವ
ಬದುಕ ತಿನ್ನುವ
ಗೆದ್ದಲ ಕೊರಕ ಸಂತತಿ

ನೆನಪುಗಳೇ ಹೀಗೆ
ಹಿಂಡುವ ಗಾಣದ ಹಾಗೆ

ಅನವರತ ಧೇನಿಸಿ
ಪ್ರೀತಿ ಬನಿ ಸವಿಸವಿದು
ಸಂಚಯಿಸಿದ ಹನಿ ಹನಿ
ಸಿಹಿ ಮುತ್ತಿನ ಗೊಂಚಲು

ನೆನಪುಗಳೇ ಹೀಗೆ
ಹಿಂಡುವ ಗಾಣದ ಹಾಗೆ

ಬರೀ ನೊರೆಯ ಗುಳ್ಳೆ
ಭ್ರಮೆ ವಿಭ್ರಮೆಗಳ
ಮತ್ತು ಜರ್ರನೆ ಇಳಿದು
ಸಿಹಿ-ಕಹಿ
ಕಾರ್ಕೋಟಕವಾಗಿ
ಅಪಶ್ರುತಿಯ ಆಲಾಪದಲಿ
ಮಿಂದೆದ್ದು
ಜೀವರಸ ಹೀರುವ
ಕುತ್ತು-ಕಹಿ ತುತ್ತು

ನೆನಪುಗಳೇ ಹೀಗೆ
ಹಿಂಡುವ ಗಾಣದ ಹಾಗೆ

ಸಾಯದ ನೆನಪುಗಳು
ಮತ್ತೆ ಮತ್ತೆ ಗರಿಗೆದರಿ
ಕಾಡುಕಾಡುತ ಕುಕ್ಕುವ
ನಕ್ಷತ್ರಿಕನ ಅಪರಾವತಾರ

Related posts

ಹನಿಗವನಗಳು-ಗುಚ್ಛ 1

YK Sandhya Sharma

ಕ್ರೌರ್ಯ, ಹೂವು-ದುಂಬಿ, ವಿಚಿತ್ರ ಮತ್ತು ಬಹುರೂಪಿ -ಕೆಲವು ಹನಿಗವನಗಳು

YK Sandhya Sharma

ಗೊಂಡಾರಣ್ಯ

YK Sandhya Sharma

Leave a Comment

This site uses Akismet to reduce spam. Learn how your comment data is processed.